"Орман шаруашылығы" бөлімшесінің іс-шарасы

Бүгін, 2025 жылдың 6 наурызда Жалел Қизатов атындағы жоғары ауыл шаруашылығы колледжінде жұмысшы мамандықтар жылына арналған "Орман білгіштері" зияткерлік ойыны өткізілді. Іс-шараға "Орман шаруашылығы" мамандығы бойынша 1,2,3 курс студенттері қатысты. Мақсаты – қоғамда жұмысшы мамандықтарының беделін арттыру және оларды насихаттау, сондай-ақ жастарды елдің орман шаруашылығы саласына тарту. Қатысушылардың тапсырмаларды орындауын әділ бағалау үшін қазылар алқасының құрамына орман шаруашылығы кәсіпорындарының өкілдері шақырылды: Жанат Жемісұлы Макенов – «Көкшетау» МҰТП Шалқар филиалының Шалқар орманшылығының орман шебері, Василий Анатольевич Устинов – «Преснов орман шаруашылығы» КММ-нің орман шебері. Қатысушылар жеребе арқылы екі топқа бөлінді: орманшы және орман шолғыны. Ойын 4 кезеңде өтті, оны орындау барысында қатысушылар орман шаруашылығында, орман өсіруде және басқа да орман инженерлік пәндерде өз білімдерін көрсетті. Жарыс барысында екі топ тең нәтиже көрсетті. Іс-шараның соңында шақырылған орман шаруашылығы қызметкерлері өз сөздерінде орманшы мамандығының маңыздылығын, табиғат пен қоршаған орта алдындағы жауапкершілікті атап өтіп, болашақта олардың орнына сауатты мамандар келеді деген үміт білдірді.